طريقه سهله عمل المصاصات والبونبون فى البيت ومن صنع ايدينا

طريقه سهله عمل المصاصات والبونبون فى البيت ومن صنع ايدينا

المصاصات, البيت, ايدينا, سهله, صنع, عمل, فى, ومن, والبونبون, طريقه

طريقه سهله عمل المصاصات والبونبون فى البيت ومن صنع ايدينا

طريقه سهله عمل المصاصات والبونبون فى البيت ومن صنع ايدينا





مرحبا بالجميع





صباح الخير على كل ام شطوره



وبتخاف على اولادها

لا يخفى عليكم ضرر المواد الحافظه ومكسبات الطعم واللون فى حلويات الاطفال







فكرنا فى منتديات المرأه





نرضى اولادنا وفى نفس الوقت نحافظ على صحتهم

واليوم معنا طريقه سهله لعمل مصاصة اطفال والبونبون

ومن صنع ايدينا



يلا كل ام شطوره تفتحلى عيونها

المقادير

** 2 كوب سكر

** 2/3 كوب ماء

** 7 حبات فراولة

** 1 ملعقة كبيرة عسل نحل

** 1 ملعقة صغيرة خل

** شفاطات بلاستيك للمصاصات

** قوالب اشكال للبونبونى

الطريقة

أول حاجة نأخد الفراولة مع الماية فى حلة يغلو مع بعض لغاية ما الماية تأخد اللون و الطعم من الفراولة

بعد كدة نصفيها و نأخد 2/3 كوب من المية الناتجة

نحط الماية اللى بقا لونها أحمر و معاها معلقة العسل والسكر و الخل فى الحلة

نقلبهم و نحطهم على نار هادية فى الوقت ده نحضر القوالب اللى هنحط فيها البونبونى و المصاصات

أنا عندى قوالب سليكون صغيرة أستخدمتها للبونبونى

و علشان المصاصات

حطيت ورق فويل و دهنته زيت و مسحته بمنديل علشان أعمل المصاصات

و كل شوية نقلب بشويش لحد ما كل السكر يدوب خالص (حوالى 1/4 ساعة)

بعد ما نتأكد أن السكر داب نعلى النار و نسيب الخليط يغلى حوالى خمس دقايق أو أكتر شوية

و نخلى جنبنا كوباية ماية ساقعة كل شوية نأخد بمعلقة صغيرة من الخليط اللى على النار و نحطه فى الكباية لو فضل طرى يبقا لسة لو بقى جامد يبقى كدة خلاص

ناخده بسرعة على حمام ماية ساقعة لمدة 10 ثوانى

و بعدين نصبه فى القوالب وعلى الفويل نكون حطين الشفاطات البلاستيك و نصب عليها بسرعة قبل ميتجمد

بس كدة نسبهم لما يبردوا و نشيلهم من القوالب

وده شكلهم النهائى